Головкин-Уэйд кездесуіне билеттердің жартысы сатылып кетті

АСТАНА. ҚазАқпарат - K2 Promotions промоутерлік компаниясы Головкин-Уэйд кездесуіне билеттердің жартысы сатылып кеткенін хабарлады.

«Алғашқы аптада 8000 билет (50 пайыз) сатылды», - деп жазылған GGG-дің ВКонтакте желісіндегі ресми парақшасында.

Еске сала кетейік, қазақстандық боксшы Геннадий Головкин америкалық Доминик Уэйдпен 23 сәуір күні жекпе-жек өткізеді. Бұл қазақстандық боксшының кәсіпқой бокстағы 35-ші кездесуі болмақ.