Ол осы аптаның соңында италиялық боксшы Доминик Спадпен қолғап түйістіреді. Содан кейін ол Головкинмен шаршы алаңға шықпақ.
«Менің ойымша, Головкин - орта салмақтағы ең мықты боксшы. Дегенмен, мен орта салмақтағы боксшылардың қай-қайсысына болмасын қарсы тұра алам. Геннадидің бұрынғы қарсыластары моральдық тұрғыда дайын болмай шығатын. Ал мен ондай спортшылардан емеспін, оған лайықты қарсылас болу үшін қолымнан келгеннің барлығын жасаймын», - дейді Мюррей.
Естеріңізге саламыз, Геннадий Головкин 19 қазанда мексикалық боксшы Марко Антонио Рубионы 2-раундта нокаутпен жеңген болатын. Бұл қазақстандық боксшының кәсіби бокстағы 31-жеңісі болып тіркелді, оның 28-інде қарсыластарын есінен тандыра сұлатқан.