АСТАНА. KAZINFORM - Иорданияда 22-30 маусым күндері күрес түрлерінен 17 жасқа дейінгі спортшылар арасында Азия біріншілігі өтеді.
Аталған сынға қатысатын грек-рим күресінен Қазақстан командасы анықталды.
Олардың қатарында Нұрдәулет Құмарұлы (45 келі), Зарап Сұңқар (48 келі), Едіге Төлеутаев (51 келі), Алпамыс Болатұлы (55 келі), Шәміл Досбол (60 келі), Данияр Қанағатбек (65 келі), Әбілмансұр Ахалбек (71 келі), Еркебұлан Анапия (80 келі), Әділет Тойшыбек (92 келі) пен Айдос Қайратов (110 келі) бар.
Команданың аға бапкері Алмат Кебіспаев.
Айта кетсек, биыл Париж Олимпиадасында еліміздің атынан грек-рим күресінен төрт балуан сынға түседі.
Бұл тізімге Айдос Сұлтанғали (60 келі), Демеу Жадыраев (77 келі), Нұрсұлтан Тұрсынов (87 келі) және Әлімхан Сыздықов (130 келі) енгізілген.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.