Ресейде туып-өсіп, Қазақстан азаматтығын өткен жылы алған Ш.Ожаев 87 келіге дейінгі салмақта оңтүстіккореялық Санхек Паркпен қола медальді сарапқа салды.
Бірінші кезеңде төреші қарсыласын төрттағанға қойған сәтте Ш.Ожаев оны сәтті пайдаланды – 5:0. Екінші кезеңде Парк ондай мүмкіндікті мүлт жіберді. Қорытынды есеп – 5:1, Шамиль Ожаевтың пайдасында.
Осылайша, бүгін Қазақстан қоржынына екінші қола жүлде түсті.
Еске сала кетейік, бұдан бұрын Азия чемпионатында тағы үш қазақстандық балуанның қолаға таласатынын жазған болатынбыз.
Ибрагим Магомадов екінші рет Азия чемпионатында қола жүлдегер атанды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).