АСТАНА. KAZINFORM - Вьетнамның Вунгтау қаласында күрес түрлерінен 17-23 жас санатындағы балуандар арасында Азия чемпионатының алғашқы жарыс күні өтті.
18 маусымда грек-рим күресінен 7 салмақта үздіктер белгілі болды. Олардың арасында 23 жасқа дейінгі ұлттық құрама мүшелері 3 алтын, 2 күміс, 1 қола жүлдеге қол жеткізді.
Ел құрамасынан Исхар Құрбаев (60 келі), Бағдат Сабаз (67 келі), Ақжан Ықыласов (77 келі) чемпион атанса, Юсуф Мациев (97 келі), Джохар Узаров (130 келі) күміс, Диас Қалтай (82 келі) қола жүлдеге қол созды.
Бүгін, 19 маусымда ел құрамасынан Ерасыл Мамырбеков (55 келі), Ондасын Хамитов (63 келі), Серғазы Әбдіқадыр (72 келі), Мақсат Сайлау (87 келі) жүлделерді сарапқа салады.
Еске салсақ, қазақстандық төрешілер күрес түрлерінен әлем чемпионатында қызмет атқарады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.