АСТАНА. KAZINFORM — Грекия астанасы Афины қаласында өткен суға жүзуден халықаралық турнирде Қазақстан құрамасы 8 медаль жеңіп алды.
Ел құрамасы қоржынына барлығы 3 алтын, 3 күміс, 2 қола түсті.
Жеңіс тұғырына Әділбек Мусин (100 метр, баттерфляй), Ксения Игнатова (100 және 200 метр арқамен жүзу) көтірілді.
Сондай-ақ Әділбек Мусин 50 метрге баттерфляй әдісімен жүзуден екінші орын алды. Тағы екі күміс медальді Айбат Мырзамұратов (100 метр, брасс), Аделаида Пчелинцева (50 метр, брасс) қоржынға салды.
Ал Максим Сказобцов (100 метр, баттерфляй) пен Айбат Мырзамұратов (50 метр, брасс) үздік үштікті түйіндеді.
Еске салсақ, бұдан бұрын 2025 жылғы әлем чемпионатына қатысатын Қазақстан хоккей құрамасы анықталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.