АСТАНА. KAZINFORM — Қазақстандық теннисші, әлемнің 906-ракеткасы Григорий Ломакин Фантьен (Вьетнам) челленджер турнирі іріктеу сайысының финалына шықты.
Қазақстандық спортшы іріктеу сайысының жартылай финалында жергілікті теннисші Хоанг Тхань-Чунгпен кездесті.
Г.Ломакин қарсыласын 6:0, 6:1 есебімен бет қаратпай ұтты.
Матч небәрі 56 минутта аяқталды.
Григорий Ломакин іріктеу сайысының финалында әлемнің 689-ракеткасы, оңтүстіккореялық Джон Джиу Ким немесе рейтингіде 1 162-орындағы эстониялық Кристиан Таммен кездеседі.
Аталмыш жарыстың жүлде қоры 63 мың долларға бағаланған. Жеңімпаз 9 500 долларға қоса 50 рейтингілік ұпайға ие болады.
Еске сала кетейік, бұдан бұрын АҚШ ашық чемпионатында Елена Рыбакинаның Ролан Гарроста кеткен есені қайтарғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).