Үкімет қаулысына сәйкес, жаңа талап мейрамханалар, кафелер және басқа да қоғамдық тамақтану орындарына қатысты болады.
Айта кетейік, 2026 жылғы 1 сәуірден бастап елде бірқатар бірреттік пластик өнімдерін сатуға тыйым күшіне енген. Атап айтқанда, пластик шанышқылар, пышақтар, қасықтар, таяқшалар, тәрелкелер, түтікшелер, араластырғыштар, сондай-ақ тағамға арналған контейнерлер, қақпақтар мен полистиролдан жасалған стақандар сатылмайды.
Бұған дейін, 2026 жылғы 1 қаңтардан бастап аталған өнімдерді импорттау мен өндіруге де шектеу енгізілген.
Сондай-ақ 1 шілдеден бастап қоғамдық тамақтану орындарында бірреттік пластик контейнерлер мен стақандарды қолдануға да тыйым салынады.
Ал 2031 жылғы 1 ақпаннан бастап (экспортты қоспағанда) пластик бөтелкелердегі сусындарды өндіруге, импорттауға және сатуға толық тыйым енгізіледі. Бұл шектеу көлемі 3 литрден асатын ауыз суға және 20 литрден жоғары ыдыстардағы басқа сусындарға қолданылмайды.
Бұл шаралар пластик тұтынуды азайтуға және экологиялық жүктемені төмендетуге бағытталған.