АСТАНА. KAZINFORM — Грузияда 2024 жылдың ақпан айында жылдық инфляция 0,3 пайызды құрап, өткен аймен салыстырғанда тұтыну бағасы 0,04 пайызға төмендеген. Бұл туралы дүйсенбіде елдің Ұлттық статистикалық қызметі хабарлады, деп жазады Синхуа агенттігі.
Ведомствоның мәліметінше, ақпан айында базалық инфляция өткен жылдың сәйкес кезеңімен салыстырғанда 2,6 пайызды құрады.
Жылдық инфляцияның қалыптасуына азық-түлік және алкогольсіз сусындар бағасының төмендеуі әсер етті. Бұл топтағы бағалар 3,5 пайызға төмендеді.
Еркежан Смағұлова
Шәкәрім атындағы Семей мемлекеттік университетінің түлегі. Еңбек жолын Абай облысындағы «Семей таңы» газетінен бастаған. «ҚР Президенті телерадиокешенінде» 2022 жылғы 1 сәуірден бастап істейді, аудармашы.