ҚЫЗЫЛОРДА. ҚазАқпарат - Қызылорда облысында коронавируске қарсы вакцина алған тұрғындар саны күннен күнге артып келеді, деп хабарлайды ҚазАқпарат тілшісі.
Қызылорда облыстық психикалық денсаулық орталығының қызметкері Гүлмира Абдрасулова қатерлі індетке тұсау салатын жалғыз жол - вакцина екенін айтады.
«Жасыратыны жоқ, елімізде қатерлі індет тез таралып барады. Эпидемиологиялық ахуал күн санап күрделене түсті. Өткен аптаның соңында өңіріміз «сары аймаққа» енгізілді. Ал Сырдария ауданы «қызыл аймақ» қатарында тұр. Бұл - өте алаңдатарлық жағдай. Мен өз өміріне алаңдайтын қала тұрғыны әрі медицина саласының қызметкері ретінде алғашқылардың бірі болып екпе қабылдадым. Мен мамандардың кеңесіне құлақ асуға шақырамын. Саулық - сақтықта. Өзімізді қорғап, айналамызға қамқор болайық, - деді Г. Абдрасулова.
Еске салайық, Қызылордада 14 сәуірге дейін 10684 тұрғынға вакцина жасалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.