АСТАНА. ҚазАқпарат - «Гүлнәр тур» ЖШС туристік компаниясының қызметтерін пайдаланып жүрген азаматтардың құқығын уақытылы қалпына келтіру мақсатында Бостандық аудандық прокуратурасы аталған серіктестіктің жауапты тұлғаларының заңға қайшы іс-қимылдарының жолын кесуге бағытталған жұмыстарды жүргізді.
«Нәтижесінде, биылғы 9 шілдеде М.К. Багиров және басқа азаматтардың арыздары бойынша Бостандық ауданының ІІБ Қазақстан Республикасының Қылмыстық кодексінің 177 бабы 3 бөлімі «б» тармағы бойынша қылмыстық іс қозғады», - делінген Алматы қаласы прокуратурасының мәліметінде.
Алдын ала есептеулер бойынша келтірілген шығын 6 млн. теңгеге жуық қаржыны құрады.
Осы орайда құзырлы орган бұл қылмысты тергеу барысы қатаң бақылауға алынғанын атап өтті.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.