АСТАНА. 8 маусым. ҚазАқпарат - Хабаров аймағында Ми-8 тікұшағының апатқа ұшырауы салдарынан экипаждың төрт мүшесі мен бір жолаушы қаза тапты. Атап айтқанда, бұл тікұшақ үш тонна балық тасымалдаған көрінеді. Бұл туралы ВВС хабарлады.
«Хабаров аймағында Ми-8 тікұшағының апаты орын алған жерде қаза болған барлық бес адамның денесі табылды. Іздестіру жұмыстарына 346 адам мен 62 бірлік техника жұмылдырылды», - делінген Ресей ТЖМ мәліметінде.
Тікұшақтың сынықтары Полина Осипенко атындағы елді мекеннен 37 шақырым қашықтықтан табылды.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.