«Халық қатысатын бюджет»: Алматыда Абай даңғылында бөлу жолағы абаттандырылады
АЛМАТЫ.KAZINFORM — Абай даңғылындағы бөлу жолағы абаттандырылады. Кешенді жұмыс Тұрғыт Өзал көшесінен Мұқанов көшесіне дейін, ұзындығы 2,6 шақырым аймақты қамтиды. Алматы әкімдігінен атап өткендей, соңғы рет мұнда 15 жыл бұрын жөндеу жүргізілген. Жарықтандыру, суару жүйесін орнату, жасыл екпелерді санитарлық және қалыптап кесу, сондай-ақ объектіні көгалдандыру жоспарда.
Фото: Алматы қаласының әкімдігі
Аталған жұмыстар осы жылдың күзінде аяқталады. Алматы әкімі Ерболат Досаев жаңғырту кезінде қала тұрғындарының серуендеуіне қолайлы жағдай жасау үшін сапалы материалдарды пайдалану қажет екенін атап өтті.
Фото: Алматы қаласының әкімдігі
«Халық қатысатын бюджет» аясында Бостандық ауданында биыл барлығы 50 жоба іске асырылады.
Фото: Алматы қаласының әкімдігі
Жалпы, Алматыда осы жылы «Халық қатысатын бюджет» жобасына 18,8 млрд теңге бөлінді, бұл өткен жылмен салыстырғанда 5,8 млрд теңгеге артық.
Фото: Алматы қаласының әкімдігі
Алматылықтар қала бюджеті есебінен аулаларды, қоғамдық кеңістіктерді абаттандыру, спорт және ойын алаңдарын құру бойынша өз идеяларын жүзеге асыра алады.
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.