АСТАНА. KAZINFORM - Алматылық «Қайрат» футбол командасы РПЛ (Ресей Премьер-лигасы) Қысқы кубогындағы алғашқы кездесуінде жеңіліп қалды.
Халықаралық турнир 2024 жылдың 2-14 ақпаны аралығында Біріккен Араб Әмірлігінің Әбу-Даби қаласында өтіп жатыр.
Алматылық клуб бірінші кездесуінде Біріккен Араб Әмірлігінің «Шабаб Аль-Ахли» командасымен кездесті.
Ойын барысында қарсылас сапынан Игор Жезус 13, 53-минутта қос голдың авторы атанды.
Осылайша «Қайрат» қарсыласына 0:2 есебімен жол берді.
«Қайраттың» турнирдегі алдағы екі ойынының кестесі:
11 ақпан. «Қайрат» - «Ростов». Басталуы - 21:00;
14 ақпан. «Спартак» - «Қайрат». Басталуы - 22:30.
Төрт команда топтық кезеңде бір-бірімен кездеседі.
Топта бірінші орын алған ұжым турнирдің жеңімпазы атағына ие болады.
Еске салсақ, алматылық «Қайрат» аталған турнирге қатысатын құрамын жариялады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.