ҚЫЗЫЛОРДА. ҚазАқпарат - Халықаралық іздеуде жүрген қызылордалық жігіт Қарағанды қаласында саябақтың бірінде қолға түсті, деп хабарлайды ҚазАқпарат тілшісі.
Бұл бағытта Қызылорда және Қарағанды облыстары полиция департаменттерінің криминалдық полиция басқармаларының қызметкерлері бірлескен түрде жедел іздестіру шараларын жүргізді.
«Нәтижесінде тергеуден бой тасалап, халықаралық іздеуде жүрген қызылордалық жігіт Қарағанда қаласында саябақтың бірінде ұсталды. Ол ҚР Қылмыстық кодексінің 99-бабының 2-бөлігінің 7,9-тармақтары бойынша қылмыс жасаған деп айыпталуда. Онда бұзақылық ниетпен, алдын ала сөз байласу арқылы адамдар тобымен өлтіруге оқталу жағдайы көрсетілген», - деп мәлім етті Қызылорда облыстық полиция департаментінен.
Ведомствоның мәліметінше, күдікті азаматқа қатысты «күзетпен ұстау» түріндегі бұлтартпау шарасы таңдалды. Ол уақытша ұстау изоляторына қамаққа алынды.
Еске салсақ, бұдан бұрын Қызылорда облысында ірі есірткі алқабы анықталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.