ТҮРКІСТАН. ҚазАқпарат- Түркістан облысы полиция департаменті халықаралық іздеуде жүрген Ресей Федерациясының азаматын ұстады, деп хабарлайды ҚазАқпарат тілшісі.
Күдіктіге Ресей Федерациясының Самара қаласында іздеу жарияланған. Оған бөтеннің мүлкін ұрлаған деген айып тағылып отыр.
«Ер адам шекара арқылы Өзбекстан Республикасына өтпекші болған. Қазіргі уақытта күдікті уақытша ұстау изоляторына қамалды. Полицейлер оқиғаның толық мән-жайын анықтау үстінде»-делінген Түркістан облысы полиция департаментінің баспасөз қызметі таратқан хабарламада.
Атап кетейік, Түркістан облысы полиция департаментінің Криминалдық полиция басқармасының полицейлері жыл басынан бері халықаралық іздеу жарияланған 7 қылмыскерді ұстады.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.