Оның айтуынша, Халықаралық өнер форумы аясындағы маңызды мәселенің бірі 6 наурызда өтетін Ректорлар кеңесінің отырысы болмақ. Елордадағы Қазақ ұлттық өнер университетінің ғимаратында өтетін бұл шараға негізінен ТМД қатысушы-мемлекеттерінің Мемлекетаралық гуманитарлық ынтымақтастық қоры қолдау жасап отыр. «Атап айтқанда, Форумға қатысуға Қазақстан, Ресей (оның ішінде Мәскеу мен Санкт-Петербор, Қазан қалаларының), Әзірбайжан, Грузия, Тәжікстан, Қырғызстан, Украина, Армения, Беларусь, сондай-ақ Франция, Италия мен Қытай елдерінің жоғары музыкалық білім оқу мекемелерінің ректорлары шақырылған», - дейді А. Мұсақожаева.
Еске сала кетсек, Форум аясында «Астана - әлемнің сегізінші кереметі» атты мерейтойлық концерт 6 наурызда «Қазақстан» концерт залында өтеді. Бұл бағдарлама кейіннен әлемнің үздік сахналарына жол тартады. Ал турненің демеушілігін «Самұрық-Қазына» Қоры атқаратын болады.