«Қазіргі уақытта тұтынушылардың құқығын қорғау жүйесінің тұтастығын қалыптастыруға және қазақстандықтардың өмір сүру сапасын арттыруға бағытталған «Тұтынушылардың құқықтарын қорғау туралы» Заңға заңнамалық түзетулердің екінші пакеті әзірленді», - деді вице-премьер жауабында.
Оның атап өтуінше, елімізде жылдан жылға арыз-шағымдардың көбейіп келе жатқанын ескере отырып, заң жобасының негізгі аспектілері келесі жаңашылдықтарға шоғырланған:
- Халықтың үні қызметін атқаратын және тұтынушылардың құқықтары бұзылған салалардың жүйелі проблемаларын тікелей мемлекеттің бірінші тұлғаларына жеткізетін Омбудсмен институтын енгізу;
- Заңның негізгі қағидаларын, кәсіпкерлік субъектілері көрсететін қызметтердің барлық салаларына тарату;
- Егер кәсіпкерлік сотқа дейінгі тәртіппен бұзушылықтарды жоюдан бас тартса, тұтынушылардың құқықтарын қорғау жөніндегі қоғамдық мекемелердің пайдасына азаматтық іс бойынша сот өндіріп алған айыппұл түріндегі кәсіпкерліктің азаматтық-құқықтық жауапкершілігі;
- Тұтынушы дауларын шешу алгоритмін көп сатылыдан 2 сатылыға дейін жетілдіру.
«Бұл іс жүзінде азаматтың сөзсіз сот қорғауына конститутциялық құқығын қалпына келтіреді», - деді Серік Жұманғарин.