АСТАНА. KAZINFORM – АҚШ-тың Иллинойс штатындағы Чикаго қаласында UFC 319 турнирінің басты жекпе-жегінде БАӘ өкілі Хамзат Чимаев (14-0) пен ОАР спортшысы Дрикус Дю Плесси (23-2) шеберлік байқасты.
Оңтүстікафрикалық файтер орта салмақтағы UFC чемпионы атағын жеңіп алған. Алдағы жекпе-жекте белбеуін қорғауына мүмкіндік бар еді.
Жекпе-жек 5 раундқа жоспарланған. Бірақ белгіленген уақытынан ерте аяқталды. Төрешілердің бірауыздан шешімімен жекпе-жек Хамзат Чимаевтың пайдасына аяқталды (50-44, 50-44, 50-44).
Осылайша Хамзат 15-ші жеңісіне қол жеткізіп, белбеуді жеңіп алды. Айта кетейік, ол спорттық мансабында үш рет қана жеңілген.
Чимаев алғаш рет UFC белбеуінің иегері болды. Дрикус Ду Плесси өз кезегінде белбеуді үшінші рет қорғап, ол әрекеті сәтсіз аяқталды.
Өкінішке қарай, The Ultimate Fighter финалдық шоуы аясында қазақстандық Әліби Ыдырыс америкалық файтер Джозеф Моралеске (12-2) есе жіберді.
Бұған дейін отандасымыздың Чикагода UFC келісімшарты үшін жекпе-жек өткізетінін хабарлаған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.