НҰР-СҰЛТАН. ҚазАқпарат - Елордалық «Барыс» қақпашы Хенрик Карлсонмен 2021 жылдың 30 сәуіріне дейінгі келісімшартқа қол қойды, деп хабарлайды ҚазАқпарат тілшісі команда сайтына сілтеме жасап.
Хенрик Карлсон 1983 жылдың 27 қарашасында дүниеге келген. Швеция, Канада, АҚШ, Ресейдің бірнеше командасында ойнаған. Ол «Барыс» командасында 2016 жылдан бері ойын көрсетіп келеді. Сондай-ақ, қақпашы Қазақстан құрамасы сапында бірнеше кездесуге қатысты.
Қақпашы өткен Құрлықтық хоккей лигасы тұрақты чемпионатында 20 ойын өткізді. Оның ішінде 12 кездесу елордалық клубтың басымдығымен аяқталды.
Биыл Хенрик Карлсон басқа командаға ауысуы мүмкін деген жорамал айтылған еді. Дегенмен ол командамен келісімшарт мерзімін ұзартуға ниет білдірді.
Бұдан бұрын «Барыс» құрамына канадалық хоккейші қосылған болатын.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.