Хоккей: астаналықтар Мәскеу командасымен тартысқа түседі

АСТАНА. 23 желтоқсан. ҚазАқпарат - Бүгін кешке елордадағы «Қазақстан» спорт сарайында астаналық «Барыс» және мәскеулік «Динамо» командалары өзара тартысқа түседі.

Атап айтқанда, Мәскеу командасы бүгінде турнир кестесінде алда келеді. Одан тек "СКА" (Санкт-Петербург) және "Трактор" (Челябинск) командаларының ұпай саны жоғары. «Динамо» 58 ұпай жинап, Батыс конференциясында және чемпионатта үшінші орында тұрақтады. «Барыстың» ұпай саны - 53 және олар Шығыс конференциясында 6 орында.

Құрлықтық хоккей лигасы аясында қарсыластар 9 рет кездесіп, елордалық команда тек 3 ойынды жеңіспен аяқтады.