АСТАНА. ҚазАқпарат - Елордалық «Барыс» Құрлықтық хоккей лигасындағы Ресейдің «Амур» (Хабаровск) командасына қарсы екінші кездесуіне қатысатын ойыншылар тізімін жариялады, деп хабарлайды ҚазАқпарат тілшісі.
Аталған кездесу елорда уақытымен 13:00-де басталып, «Qazsport» телеарнасынан тікелей эфирде көрсетіледі.
«Барыстың» бас бапкері Андрей Скабелка аталған кездесуде төмендегі хоккейшілерге сенім артып отыр:
Гудачек (Бояркин);
Мищенко - Грант, Шевченко - Вей - Бракко;
Бекетаев - Грэм, Шестаков - Сагадеев - Петухов;
Сергиенко -Данияр, Луис - Борисевич - Михайлис;
Гайтамиров - Қайыржан, Максимов - Шайхмедденов - Рахманов.
Айта кетсек, елордалық клуб аталған қарсыласымен 5 қаңтарда өткен алғашқы кездесуінде буллиттен 3:4 есебімен жол берді.
Ойынның негізгі кезеңі 3:3 есебімен аяқталды. Ойын овертаймға ұласты. Овертаймда жеңімпаз анықталған жоқ. Буллитте Станислав Бочаров соққан шайба «Амурға» жеңіс алып келді.
Бұдан кейін «Барыс» 8 және 9 қаңтар күндері Ресейде «Адмирал» (Владивосток) командасымен шеберлік байқасады.
Фото: hcbarys.kz
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.