НҰР-СҰЛТАН. ҚазАқпарат – Елордадағы «Барыс Арена» стадионына жанкүйерлер қайта кіретін болды, деп хабарлайды ҚазАқпарат тілшісі.
Бұл туралы ҚР Мәдениет және спорт министрлігі Спорт істері және дене шынықтыру комитетінің төрағасы Серік Сәпиев Instagram -дағы парақшасында мәлім етті.
«Барлығы да хоккейге! Хоккей жанкүйерлері үшін жақсы жаңалық. Санитарлық-эпидемиологиялық талаптарды сақтай отырып, Құрлықтық хоккей лигасы аясында плей-офф
матчтарын толымдылығы 30 пайыздан аспайтындай жанкүйерлердің қатысуымен өткізуге рұқсат берілді. Ертең, 6 наурыз күні сағат 17.00-де «Барыс» «Металлургпен» күш сынасады», деп жазды С.Сәпиев.
Еске сала кетейік, бұдан бұрын «Барыстың» овертаймда «Металлургтан» басым түскенін жазған болатынбыз.
Ойындар сериясында екі матчтан кейін есеп тең – 1:1.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).