АСТАНА. ҚазАқпарат – «Барыс» Құрлықтық хоккей лигасы аясында елордада «Авангард» (Омбы) командасымен кездесті, деп хабарлайы ҚазАқпарат тілшісі.
Кездесу барысында ресейлік хоккейшілер алғашқы болып есеп ашты. Ойынның 9-минутында омбылық Никита Михайлов есеп ашса, оған 11-минутта «Барыс» хоккейшісі Линден Вей бір шайбамен жауап қайырды. Ал 16-минутта Иван Мирошниченко қайтадан «Авангардты» алға шығарса, 22-минутта Егор Петухов тағы да таразы басын теңестірді.
Ойынның 32-минутында Сергей Толчинский, 42-минутта Александр Дергачёв ресейлік клубтың басымдығын арттыра түсті.
Ал 59-минутта «Авангард» хоккейшісі Алекс Бродхерст қорытынды есепті белгіледі.
Осылайша «Барыс» қарсыласына 2:5 есебімен есе жіберді.
Енді «Барыс» алдағы ойынын 28 желтоқсанда Ресейде «Сибирь» (Новосібір) командасына қарсы өткізеді.
Еске салсақ, бұдан бұрын «Барыс» алдағы екі кездесуге қатысатын ойыншылар тізімін жариялады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.