АСТАНА. ҚазАқпарат – «Барыс» Құрлықтық хоккей лигасындағы кезекті ойынын бүгін Ресейдің «Авангард» (Омбы) командасына қарсы өткізді, деп хабарлайды ҚазАқпарат тілшісі.
Кездесу барысында қос команда гол соғу мүмкіндігін іздеді. Алғашқы болып ресейлік клуб сапынан Алексей Береглазов 3-минутта есеп ашты.
Екінші кезеңде «Авангард» хоккейшісі Иван Телегин 32-минутта есепті үстемелей түсті. Оған «Барыс» сапынан Антон Сагадеев 33, 38-минутта екі голмен жауап қайырды. Ал ресейлік Арсений Грицюк 39-минутта қайтадан «Авангардты» алға шығарды.
Ойынның 44-минутында ресейлік клубтан Алекс Бродхёрст қорытынды есепті белгіледі.
Осылайша «Барыс» қарсыласына 2:4 есебімен есе жіберді.
Енді елордалық клуб алдағы ойынын 22 ақпанда Ресейдің «Сибирь» (Новосібір) командасына қарсы өткізеді.
Еске салсақ, бұдан бұрын «Барыс» овертаймда «Куньлунь Ред Стар» командасынан басым түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.