АСТАНА. ҚазАқпарат - Елордалық «Барыс» Құрлықтық хоккей лигасындағы кезекті ойынын бүгін елордада «Автомобилист» (Екатеринбург) клубына қарсы өткізеді, деп хабарлайды ҚазАқпарат тілшісі.
Аталған ойын елорда уақытымен 19:30-дa басталып, «Qazsport» телеарнасынан тікелей эфирде көрсетіледі.
Екі команда бұған дейін 51 мәрте кездесті. Оның 33-і «Барыстың» басымдығымен аяқталса, қалғанында ресейлік клубтың мерейі үстем болды.
Қазір турнир кестесінде cегіз ойыннан 7 ұпайға қол жеткізген «Барыс» 16-орында келеді. Ал cегіз ойыннан кейін 13 ұпай жинаған «Автомобилист» 2-орынға жайғасқан.
Соңғы он кездесудің жетеуінде қазақстандық клуб жеңіске жетті.
2022 жылдың 16 тамызында елордада Қазақстан Президенті кубогында «Барыс» овертаймда 2:3 есебімен жеңілсе, сол жылдың 24 тамызында Челябинскі губернаторының кубогында 2:1 есебімен басым түсті.
Еске салсақ, бұдан бұрын елордалық клуб «Сибирь» командасынан басым түскен .
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.