АСТАНА. ҚазАқпарат - Елордалық «Барыс» Құрлықтық хоккей лигасындағы кезекті ойынын бүгін Ресейде «Локомотив» (Ярославль) клубына қарсы өткізеді, деп хабарлайды ҚазАқпарат тілшісі.
Аталған ойын елорда уақытымен 22:30-дa басталып, «Qazsport» телеарнасынан тікелей эфирде көрсетіледі.
Екі команда бұған дейін 25 мәрте кездесті. Оның 8-і «Барыстың» басымдығымен аяқталса, қалғанында ресейлік клубтың мерейі үстем болды.
Қазір турнир кестесінде он ойыннан 9 ұпайға қол жеткізген «Барыс» 16-орында келеді. Ал он ойыннан кейін 13 ұпай жинаған «Автомобилист» 8-орынға жайғасқан.
Соңғы он кездесудің үшеуінде қазақстандық клуб жеңіске жетті.
2021 жылдың 3 тамызында Құрлықтық хоккей лигасында «Барыс» сырт айдында 3:4 есебімен жеңілсе, сол жылдың 22 қазанында елордада 1:4 есебімен есе жіберді.
Еске салсақ, бұдан бұрын елордалық клуб Ресейде «Северсталь» (Череповец) клубына жол берді.
Фото: hcbarys.kz
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.