НҰР-СҰЛТАН. ҚазАқпарат - Құрлықтық хоккей лигасы аясында елордалық «Барыс» бүгін, 25 ақпанда елордада Қытайдың «Куньлунь Ред Стар» (Бейжің) командасымен кездесті, деп хабарлайды ҚазАқпарат тілшісі.
Екі команда бұған дейін 17 мәрте шеберлік байқасты. Оның 13-інде «Барыс» басымдық танытса, қалғанында «Куньлунь Ред Стардың» мерейі үстем болды.
Айта кетерлігі, екі команда арасындағы соңғы төрт ойында да қазақстандық клубтың мерейі үстем болды.
Бүгінгі кездесуде қазақстандық клуб хоккейшілері ойын басынан тізгінді қолына алуға тырысты.
Нәтижесінде 3-минутта Даррен Диц «Барысты» алға шығарды. Ал 7-минутта Антон Сагадеев есепті үстемелей түсті.
Ал 53-минутта Никита Михайлис жеңіс шайбасын соқты. Ойында елордалық клуб қарсыласын 3:0 есебімен басым түсті.
Енді «Барыс» 27 ақпанда құрлықтық хоккей лигасы тұрақты кезеңіндегі соңғы тур ойынын Ресейде «Авангард» (Омбы) командасына қарсы өткізеді.
Естеріңізге сала кетелік, бұдан бұрын «Барыс» овертаймда «Ак Барстан» жеңілді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.