НҰР-СҰЛТАН. ҚазАқпарат - Елордалық «Барыс» құрлықтық хоккей лигасы плей-офф сатысына дайындық мақсатында ресейлік «Динамо» (Мәскеу) командасымен жолдастық кездесу өткізді, деп хабарлайды ҚазАқпарат тілшісі.
Қазақстандық клуб тарапынан бірінші кезеңде Коди Куник пен Валерий Орехов мергендік танытты. Оған мәскеулік клубтан екі голмен жауап қайырып, таразы басы теңесті.
Екінші кезеңде қазақстандық Әлихан Әсетов басымдықты арттырды. Дегенмен ресейлік клуб гол соғып, ойын тең нәтижемен аяқталды.
Овертаймда жеңімпаз анықталған жоқ. Буллитте «Барыс» жеңіске жетті. Осылайша елордалық клуб қарсыласынан 4:3 есебімен басым түсті.
Айта кетсек, екі команда 24 ақпанда тағы бір мәрте жолдастық кездесу өткізеді.
Бұдан бұрын қазақстандық клуб ресейлік «Спартак» командасынан 7:2 есебімен басым түскен еді.
«Барыс» құрлықтық хоккей лигасының плей-офф сатысының бірінші кезеңінде Ресейдің «Металлург» (Магнитогорск) командасымен шеберлік байқасады.
Ойындар 1-13 ақпан аралығында болады.
Жеңімпаз бір команданың төрт мәрте жеңіске жетуіне дейін жалғасады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.