НҰР-СҰЛТАН. ҚазАқпарат - Елордалық «Барыс» құрлықтық хоккей лигасы плей-офф сатысына дайындық мақсатында бүгін ресейлік «Спартак» (Мәскеу) командасымен жолдастық кездесу өткізді, деп хабарлайды ҚазАқпарат тілшісі.
Мәскеу қаласындағы «Лужники» аренасында өткізілген ойында қазақстандық клуб қарсыласынан 7:2 есебімен басым түсті.
Алғашқы кезеңде «Барыс» сапынан Егор Петухов (5 және 8-минуттарда) екі шайба соқты.
Одан кейін Кертис Волк (10-минут) және Якоба Берглунда (14-минут) мергендігімен көзге түсті.
Екінші кезеңде Кирилл Савицкий (25-минут) және Әлихан Әсетов (32-минут), үшінші кезеңде Кертис Волк (50-минут) есепті ұлғайта түсті.
Ойын барысында ресейлік клубтан Эмил Петтерссон (12-минут) және Дмитрий Вишневский (32-минутта) екі голмен жауап қайырды.
Еске салсақ, Құрлықтық хоккей лигасының плей-офф сатысы бірінші кезеңінде Ресейдің «Металлург» (Магнитогорск) командасымен шеберлік байқасады.
Ойындар 1-13 ақпан аралығында болады.
Жеңімпаз бір команданың төрт мәрте жеңіске жетуіне дейін жалғасады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.