АСТАНА. ҚазАқпарат - «Барыс» Құрлықтық хоккей лигасындағы кезекті ойынын бүгін елордада Ресейдің «Металлург» (Магнитогорск) клубына қарсы өткізді, деп хабарлайды ҚазАқпарат тілшісі.
Ресейлік клуб бірінші кезеңнен тізгінді өз қолына алуға тырысты. Нәтижесінде қатарынан төрт шайба соқты. Алдымен 3-минутта Семён Кошелев мергендік танытса, одан кейін Николай Голдобин 4-минутта есепті үстемелей түсті. Ал Анатолий Никонцев 13, Брендан Лайпсик 16-минутта басымдықты арттырды.
Екінші кезеңнің 33-минутында Семён Кошелев өзінің аталған кездесудегі екінші шайбасын соқты.
Осылайша «Барыс» қарсыласына 0:5 есебімен есе жіберді.
Енді алдағы кездесуін 23 қазанда Ресейде «Нефтехимик» (Нижнекамск) командасына қарсы өткізеді.
Еске салсақ, бұдан бұрын «Барыс» елордада «Торпедодан» басым түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.