Хоккей: «Барыс» «Металлургтен» жеңіліп қалды
22:35, 11 Қараша 2022
АСТАНА. ҚазАқпарат - «Барыс» Құрлықтық хоккей лигасындағы кезекті ойынын бүгін Ресейде «Металлург» (Магнитогорск) клубына қарсы өткізді, деп хабарлайды ҚазАқпарат тілшісі.
Қазақстандық команда бұдан бұрын сегіз кездесудің жетеуінде жеңіліп, турнир кестесінде төменгі орындарға жайғасты. Сондықтан бүгінгі ойынды олар белсенді бастаған еді.
«Барыс» сапынан Нельсон Ножье 23, Джереми Бракко 28-минуттарда гол соқты.
Ал «Металлург» хоккейшілері Павел Акользин 31, Филипп Майе 35 -минуттарда мергендік танытып, таразы басын теңестірді.
Негізгі кезең 2:2 есебімен тең аяқталып, ойын овертаймға ұласты. Овертаймда да жеңімпаз анықталған жоқ. Буллитте «Металлург» мергендік танытты.
Осылайша елордалық клуб қарсыласына есе жіберді.
Енді «Барыс» 13 қарашада Ресейде «Салават Юлаев» (Уфа) командасымен кездеседі.
Еске салсақ, бұдан бұрын «Барыс» елордада «Витязь» клубынан жеңіліп қалды.
Фото: sports.kz