АСТАНА. ҚазАқпарат – «Барыс» Құрлықтық хоккей лигасындағы кезекті ойынын бүгін Ресейде «Салават Юлаев» (Уфа) клубына қарсы өткізді, деп хабарлайды ҚазАқпарат тілшісі.
Қазақстандық команда бұдан бұрын тоғыз кездесудің сегізінде жеңілді. Турнир кестесінде жиырма тоғыз ойыннан кейін 26 ұпайға қол жеткізген «Барыс» 18-орында келеді.
Осыған байланысты бүгінгі ойынды олар белсенді бастады. Нәтижесінде қазақстандық клубтан Егор Петухов 39, Аркадий Шестаков 59-минуттарда көздеген нысанадан мүлт кеткен жоқ.
Осылайша, «Барыс» қарсыласынан 2:0 есебімен басым түсті.
Нәтижесінде олар турнир кестесінде 17-орынға көтерілді.
Қазақстандық команда бұдан бұрын тоғыз кездесудің сегізінде қарсыластарына есе жіберіп қойған еді. Ал, соңғы үш кездесуде жеңілістің ащы дәмін татты.
Енді елордалық клуб 15 қарашада Реесйде «Автомобилист» (Екатеринбург) командасымен кездеседі.
Еске салсақ, бұдан бұрын «Барыс» «Металлургтен» жеңіліп қалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.