АСТАНА. ҚазАқпарат - «Барыс» Құрлықтық хоккей лигасындағы кезекті ойынын бүгін Уфада Ресейдің «Салават Юлаев» (Уфа) клубына қарсы өткізді, деп хабарлайды ҚазАқпарат тілшісі.
Кездесуді ресейлік команда белсенді бастады. Нәтижесінде бірінші кезеңде Степан Санников 8-інші, Данил Апалькин 10-минуттарда мергендік танытты.
Екінші кезеңде оған «Барыс» хоккейшісі Еор Петухов 21-минутта бір голмен жауап қайырды. Ал ресейлік Сергей Шмелёв «Салават Юлаевтың» басымдығын арттырса, Александр Хмелевски 31-минутта есепті үстемелей түсті.
Үшінші кезеңде ресейлік командадан Алексей Пустозёров 49-минутта көздеген нысанадан мүлт кеткен жоқ. Есеп – 5:1
Енді «Барыс» алдағы ойынын 1 қарашада елордада «Сибирь» (Новосібір) командасына қарсы өткізеді.
Еске салсақ, елордалық клуб қатарынан төртінші мәрте жеңіліп отыр.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.