АСТАНА. ҚазАқпарат - Елордалық «Барыс» Құрлықтық хоккей лигасындағы кезекті ойынын елордада «Сибирь» (Новосибирск) клубына қарсы өткізеді, деп хабарлайды ҚазАқпарат тілшісі.
Аталған ойын елорда уақытымен 17:00-де басталып, «Qazsport» телеарнасынан тікелей эфирде көрсетіледі.
Екі команда бұған дейін 43 мәрте кездесті. Оның 20-ы «Барыстың» басымдығымен аяқталса, қалғанында ресейлік клубтың мерейі үстем болды.
Қазір турнир кестесінде үш ойыннан бес ұпайға қол жеткізген «Барыс» 19-орында келеді. Ал жеті ойыннан кейін 9 ұпай жинаған «Сибирь» 10-орынға жайғасқан.
Соңғы алты кездесудің төртеуінде ресейлік клуб жеңіске жетті. 2021 жылдың 25 қыркүйегінде елордада өткен ойында «Барыс» 2:1 есебімен басым түссе, сол жылдың 26 қазанында «Сибирь» өз айдынында буллиттен 4:3 есебімен тізе бүктірді.
Еске салсақ, бұдан бұрын «Барыс» елордада «Авангардқа» есе жіберді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.