НҰР-СҰЛТАН. ҚазАқпарат - Елордалық «Барыс» құрлықтық хоккей лигасы плей-офф сатысына дайындық мақсатында үш жолдастық кездесу өткізеді, деп хабарлайды ҚазАқпарат тілшісі.
Жолдастық кездесуге батыс конференциясында сынға түсетін «Спартак» және «Динамо» (Мәскеу) командалары таңдалды. Ойындар 21, 22 және 24 қаңтар күндері өткізіледі.
Ойындардың өткізілу кестесі төмендегіше:
21 ақпан. 16:00. «Спартак» пен «Барыс». «Лужники» аренасы (Мәскеу);
22 және 24 ақпан.16:00. «Динамо» (Мәскеу) мен «Барыс».«ВТБ Арена» (Мәскеу).
Одан кейін Юрий Михайлис шәкірттері елордаға оралады. Одан кейінгі дайындықты өз аренасында жүргізеді.
Еске салсақ, бұдан бұрын құрлықтық хоккей лигасында Олимпиада кезінде ойындар өтпейтіні хабарланды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.