НҰР-СҰЛТАН. ҚазАқпарат - Құрлықтық хоккей лигасы аясында «Барыс» бүгін, 28 желтоқсанда елордада Ресейдің «Cибирь» (Новосібір) командасымен кездеседі, деп хабарлайды ҚазАқпарат тілшісі.
Ойын елорда уақытымен сағат 19.30-да басталып, «Qazsport» телеарнасынан тікелей эфирде көрсетіледі.
Екі команда бұған дейін 42 мәрте кездесті. Оның 16-сы «Барыстың» басымдығымен аяқталса, қалғанында ресейлік клуб жеңіске жетті.
Айта кетерлігі, соңғы екі кездесуде «Сибирьдің» мерейі үстем болды.
Биыл аталған командалар екінші рет кездескелі отыр. Ресейде 26 қазанда өткен матчта «Cибирь» 3:1 есебімен басым түскен еді.
Айта кетерлігі, биыл «Барыстың» соңғы он кездесудің тоғызында мерейі үстем болды. Ал ресейлік клуб соңғы он кездесудің төртеуінде ғана жеңіске жетті.
Қазір «Барыс» 36 ойыннан кейін 43 ұпай жинап, турнир кестесінде 15-орында келеді. Ал 40 ойыннан кейін 36 ұпай еншілеген «Торпедо» командасы 18-орында тұр.
Естеріңізге сала кетелік, бұдан бұрын «Барыс» қатарынан бес мәрте жеңіске жеткен болатын.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.