АСТАНА. ҚазАқпарат - 2022/2023 жылғы Құрлықтық хоккей лигасы плей-офф сатысы финалдық сериясы мәресіне жетті. Мәскеулік ЦСКА командасы Гагарин кубогының иегері атанды, деп хабарлайды ҚазАқпарат тілшісі.
ЦСКА финалдық серияда «Ак Барс» (Қазан) командасымен бақ сынасты. Екі клуб бұған дейін серия барысында 3:3 есебімен тең тұрған еді.
Бүгінгі кездесуде 3:2 есебімен армияшылар клуб жеңіске жетіп, кубок иегері атанды.
Бұл ЦСКА үшін өз тарихындағы үшінші трофей. Олар қазірге дейін 2019, 2022 жылдарда жеңімпаз тұғырынан көрінген еді.
Ал «Ак Барс» 2009, 2010 және 2018 жылдарда аталған кубокқа қол созды..
Айта кетсек, биыл елордалық «Барыс» Құрлықтық хоккей лигасы тұрақты кезеңінен аса алған жоқ.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.