НҰР-СҰЛТАН. ҚазАқпарат - Бүгін елордада шайбалы хоккейден Qazaqstan Hockey Open-2021 турнирі мәресіне жетті. Бұл ойында Қазақстан және Ресейдің олипиада құрамасы кездесті, деп хабарлайды ҚазАқпарат тілшісі.
Бүгінгі ойында екі команда турнир жеңімпазын анықтайтын. Алғашқы турда Беларусь құрамасын Қазақстан 5:2 есебімен жеңсе , ресейліктер 4:2 есебімен тізе бүктірді .
Осылайша Қазақстан мен Ресей хоккейшілерінің жеңімпаз атануға мүмкіндігі артты. Бүгінгі кездесуде жеңіске жеткені чемпиондық атаққа қол жеткізетін.
Бірінші кезеңнің 13-минутында қазақстандық Никита Михайлис мергендік танытты.
Ал екінші кезеңнің 25-минутында ресейлік Илья Морозов таразы басын теңестірді.
Үшінші кезеңнің 53-минутында Никита Михайлис кездесудегі өзінің екінші шайбасын соқты.
Осылайша Қазақстан қарсыласын 2:1 есебімен жеңіп, турнир жеңімпазы атанды.
Сондай-ақ, бүгін Қазақстанның екінші құрамасы Беларусьпен көрнекі матч өткізіп, олардан 3:2 есебімен басым түсті.
Олардың жеңісі есептелмейді. Себебі, қазақстандықтар турнирге көрнекі матч өткізу үшін қосылған.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.