НҰР-СҰЛТАН. ҚазАқпарат - Шайбалы хоккейден Қазақстан әйелдер құрамасы 2022 жылғы Қысқы Олимпиадаға іріктеу кезеңі ойындарына қатысады, деп хабарлайды ҚазАқпарат тілшісі.
Іріктеу кезеңі бүгін Италияның Торре-Пелличе қаласында басталады. Қазақстандық хоккейшілер G тобында сынға түседі. Қарсыластары - Италия, Испания және Тайвань құрамалары.
Қазақстан әйелдер құрамасының ойын кестесі төмендегіше:
7 қазан, 20:00. Қазақстан - Тайвань
9 қазан, 20:00. Қазақстан - Испания
10 қазан. 00:15. Италия - Қазақстан
Ойындардың уақыты елорда уақытымен берілген.
Қазақстан әйелдер құрамасы бұған дейін 2002 жылы сынға түсті. А тобында Канада мен Швециядан 0:7, Ресейден 1:4 есебімен жеңілді. Өз тобында төртінші орын алып, 5-8 орындар үшін шеберлік байқасты. Онда Германиядан 0:4, Қытайдан 1:2 есебімен жеңіліп, сегізінші орынды қанағат тұтты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.