АСТАНА. ҚазАқпарат - Шайбалы хоккейден Қазақстан құрамасы Бірінші арна кубогында алғашқы ойынын өткізді, деп хабарлайды ҚазАқпарат тілшісі.
Жарыстың алғашқы күнінде қазақстандық хоккейшілер Беларусь құрамасымен кездесті.
Ойын барысында қарсыластар сапынан Владимир Алистров 3, 33, 58, Роман Горбунов 21-минуттарда гол соқты. Оған қазақстандық Роман Старченко 14-минутта бір голмен жауап қайырды.
Осылайша Қазақстан құрамасы қарсыласына 1:4 есебімен есе жіберді.
Енді турнир аясында 16 желтоқсан күні 3х3 хоккей бойынша ұлттық командалар арасында тарихтағы алғашқы халықаралық турнир өтеді.
Оған Бірінші арна кубогына қатысушы елдер, сондай-ақ Қытай құрамасы қатысады.
Ал 17 желтоқсанда Ресей мен Қазақстан құрамалары кездеседі.
Аталған турнир 15-18 желтоқсан аралығында өткізіледі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.