НҰР-СҰЛТАН. ҚазАқпарат - Шайбалы хоккейден Қазақстан чемпионатының басталу мерзімі кейінге шегерілді. Ол 12 қыркүйекке белгіленді, деп хабарлайды ҚазАқпарат тілшісі Қазақстан хоккей федерациясына сілтеме жасап.
Бүгін федерацияда Қазақстан чемпионатына қатысатын клуб басшыларының онлайн мәжілісі өтті. Оның қорытындысы бойынша клуб басшылары чемпионаттың басталу мерзімін 12 қыркүйекке белгілеу жөнінде шешімге келді. Бұл ел аумағында карантин мерзімінің созылуына байланысты қабылданып отыр.
Бұдан бұрын барлық команда алдын ала жоспар бойынша оқу-жаттығу жиынын 3 тамызда, ал шайбалы хоккейден Қазақстан чемпионатын 26 тамызда бастауды жоспарлаған болатын.
Сондай-ақ, «Барыс» командасының бапкерлер құрамы толық жасақталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.