АСТАНА. KAZINFORM – Хоккейден қыздар арасында IIA дивизионы бойынша өткен әлем чемпионатында Қазақстан құрамасы сәтті өнер көрсетіп, жарыс жеңімпазы атанды. Нәтижесінде Қазақстан құрамасының үш ойыншысы арнайы сыйлыққа ие болды.
Атап айтсақ, үздік қақпашы - Арина Щеколова, ал үздік шабуылшы ретінде - Александра Шегай таңдалды. Сонымен қатар Қазақстан құрамасының ең үздік ойыншысы атағын Анастасия Оразбаева иеленді.
Айта кетейік, 7 сәуірден бастап Андорра мемлекетінде екінші дивизионның А тобында ойындар өткізілді. Қазақстандық хоккейшілер Бельгия, Мексика, Тайвань және Исландиямен жалғыз жолдаманы сарапқа салды.
Бұған дейін хабарлағанымыздай, шайбалы хоккейден Қазақстан әйелдер құрамасы бірінші дивизионға шықты.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.