АСТАНА. ҚазАқпарат - Бірінші дивизион арасында Будапеште өткен әлем чемпионаты Қазақстан құрамасы үшін сәтсіз аяқталды, деп хабарлайды ҚазАқпарат тілшісі.
Соңғы күні қазақстандықтар Польша құрамасын ойсырата жеңгенімен, олардың тағдыры қарсыластарының ойынына байланысты еді.
Алдымен Италия құрамасы Словениямен кездесуде матч аяқталуға небәрі 2 секунд қалғанда жеңіс голын соғып, 4:3 есебімен ұтып кетті. Бұл бәсеке тең аяқталса, Қазақстан элиталық дивизионға шығып тұр еді. Сол сияқты соңғы матч та қазақстандықтардың пайдасына шешілмеді. Венгрия негізгі уақытта Ұлыбританияны жеңсе, жеткілікті еді. Алайда тағы да ойын бітуге санаулы секундтар қалғанда ұлыбританиялықтар есепті теңестірді. Бұл кездесуде буллит сериясында Ұлыбритания құрамасы жеңіске жетті.
Осылайша біріншілік қорытындысында алғашқы екі орынға ие болған Ұлыбритания мен Италия құрамалары элиталық дивизонға жолдама алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).