АСТАНА. ҚазАқпарат - Хоккейден 20 жасқа дейінгі жастар арасындағы әлем чемпионатында Қазақстан екінші жеңісіне қол жеткізді, деп хабарлайды ҚазАқпарат тілшісі.
Қазақстандық хоккейшілер бірінші дивизионның А тобында сынға түсуде. Қарсыластары - Норвегия, Франция, Словения, Дания және Венгрия құрамалары.
Қазақстандық жастар бүгін Данияны жеңді. Ел құрамасынан Роман Ермак 6, Всеволод Логвин 38, 52, Дінмұхамед Қайыржан 39-минуттарда мергендік танытты.
Енді қазақстандық хоккейшілер 15 желтоқсанда Словения, 18 желтоқсанда Норвегия құрамаларымен шеберлік байқасады.
Еске салсақ, бұдан бұрын Францияға есе жіберіп, Венгрия құрамасын жеңді.
Бұл топтан бірінші орын алған құрама жоғары дивизионға жолдама алады.
Аталған жеңісінен кейін Қазақстан жастар құрамасы өз тобында үшінші орынға көтерілді. Алда Норвегия мен Франция жастары келеді.
Енді Қазақстан құрамасы 15 желтоқсанда Словениямен ойнайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.