АСТАНА. ҚазАқпарат - Канадада жастар арасында 2023 әлем чемпионаты мәресіне жетіп, айдын иелері чемпиондық тұғырға көтерілді, деп хабарлайды ҚазАқпарат тілшісі.
Финалда канадалық жастар Чехия құрамасымен кездесті. Ойында Солтүстік Америка құрлығының өкілдері қарсыласынан овертаймда 3:2 есебімен басым түсіп, жеңімпаз болды. Үшінші орын үшін сайыста АҚШ құрамасы овертаймда Швецияны 8:7 есебімен жеңіп кетті.
Австриялық жастар Латвияға жеңіліп, алдағы жылы бірінші дивизионда сынға түсетін болды. Оның орнын Норвегия құрамасы басты. Норвегиялық жастар бірінші дивизионда желтоқсан айында өткен іріктеу сатысында Қазақстан құрамасын артта қалдырып кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.