НҰР-СҰЛТАН. ҚазАқпарат - Шайбалы хоккейден Қазақстан құрамасы Әлем чемпионатының элиталық дивизионы жартылай финалына жолдама алған алғашқы екі құрама анықталды, деп хабарлайды ҚазАқпарат тілшісі.
Қазірге дейін екі ширек финалдың жеңімпазы белгілі болды. Алғашқы ойында АҚШ құрамасы Словакияны 6:1 есебімен тас-талқан етіп жеңді.
Тағы бір кездесуде Германия Швейцарияны буллитен 3:2 есебімен тізе бүктірді. Негізгі кезең 2:2 есебімен тең аяқталды. Буллите неміс хоккейшілерінің жолы болды.
Еске салсақ, АҚШ пен Германия құрамасы Қазақстанмен бірге В тобында сынға түскен еді. Қазақстандық хоккейшілер негізгі кезеңде американдық қарсыластарына 0:3 есебіне жол берсе, Германияны 2:1 есебімен жеңген болатын. Қазақстан құрамасы барлығы 10 ұпай жинап, турнир бесінші орынды қанағат тұтып, плей-офф кезеңіне шығудан тыс қалды.
Сондай-ақ, бүгін ширек финалда Ресей мен Канада, Финляндия мен Чехия шеберлік байқасады.
Айта кетейік, әлем чемпионаты Латвия астанасы Рига қаласында 23 мамырда басталды. Ол 6 маусымда аяқталады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.