АСТАНА. ҚазАқпарат - Шайбалы хоккейден Қазақстан құрамасы Бірінші арна кубогында екінші ойынын өткізді, деп хабарлайды ҚазАқпарат тілшісі.
Екінші ойынында қазақстандық хоккейшілер Ресей құрамасымен кездесті. Ойын барысында ел құрамасынан Кирилл Савицкий 2, Роман Старченко 52-минуттарда мергендік танытса, оған ресейлік хоккейшілер алты шайбамен жауап қайырды.
Осылайша Қазақстан құрамасы қарсыласына 2:6 есебімен есе жіберді.
Еске салсақ, бұдан бұрын алғашқы кездесуінде олар Беларусьқа 1:4 есебімен есе жіберді.
Аталған турнирдің жеңімпазы 18 қыркүйекте өтетін Ресей және Беларусь құрамалары кездесуінде анықталады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.