АСТАНА. KAZINFORM - Бүгін шайбалы хоккейден Қазақстан әйелдер құрамасы әлем чемпионаты IIA дивизионында алғашқы ойынын Оңтүстік Кореяға қарсы өткізеді.
Қазақстан хоккей федерациясы мәлім еткендей, ел құрамасы IA дивизионына жолдама алу үшін Оңтүстік Корея, Италия, Ұлыбритания, Латвия және Словениямен шеберлік байқасады.
Олар 9 сәуірде Оңтүстік Корея, 10 сәуірде Италия, 12 сәуірде Ұлыбританиямен ойнайды Одан кейін 13 сәуірде Латвия, 15 сәуірде Словениямен мұзайдынға шығады.
Ойындар 9-15 сәуір аралығында Ұлыбританияның Дамфрис қаласында өтеді.
Еске салсақ, бұдан бұрын қазақстандық хоккейшілер жолдастық кездесуде Ұлыбританиядан жеңіліп қалды.
Кездесу барысында қазақстандық хоккейшілер қарсыласына 1:3 есебімен есе жіберді.
Айта кетсек, ел құрамасы әлем чемпионаты IA дивизионында 2005, 2007, 2009, 2024 жылдарда бақ сынаған еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.