АСТАНА. KAZINFORM - Шайбалы хоккейден Қазақстан чемпионаты плей-офф сатысына жолдама алған барлық команда белгілі болды.
Мұндай мүмкіндікке көкшетаулық «Арлан», өскемендік «Торпедо», қарағандылық «Сарыарқа» және өзбекстандық «Хумо» командалары ие болды.
Енді плей-офф сатысында «Арлан» мен «Сарыарқа», «Торпедо» мен «Хумо» клубтары ойнайды. Жарысты жалғастыратын ұжым бір команданың төрт жеңісіне дейін жалғасады. Алғашқы ойын 13 наурыз күні өтеді.
Қазірге дейін «Торпедо» 13 мәрте жеңімпаз атанса, одан кейінгі орындарда «Бейбарыс» (Атырау) - 4, «Ертіс» (Павлодар), «Сарыарқа» -3, «Барыс» (Астана), «Номад» (Астана), «Арлан» (Көкшетау) - 2, «Қазақмыс» (Сәтпаев), «Болат» (Теміртау) - 1 мәрте бас жүлдеге ие болды.
Еске салсақ, бұдан бұрын қазақстандық «Барыс» командасы Құрлықтық хоккей лигасындағы кезекті ойынында елордада Ресейдің ЦСКА (Мәскеу) командасына есе жіберді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.